رحمت العالمین کانفرنس

  رحمت للعالمین و خاتم النبیین اتھارٹی کے تحت تین روزہ عالمی سیرت فیسٹیو ل کا آغاز  نوجوان نسل کو سیرتِ طیبہ سے روشناس کروانا ہماری ذمہ داری...

 

رحمت للعالمین و خاتم النبیین اتھارٹی کے تحت تین روزہ عالمی سیرت فیسٹیو ل کا آغاز 

نوجوان نسل کو سیرتِ طیبہ سے روشناس کروانا ہماری ذمہ داری ہے،خورشید احمد ندیم

 علامہ عارف واحدی ، خورشید احمد ندیم، ڈاکٹر کامران جہانگیر، ڈاکٹر سیدہ ضیاء بتول و دیگر کی شرکت

اسلام آباد(خصوصی رپورٹر) رحمت للعالمین و خاتم النبیین اتھارٹی کے زیرِ اہتمام دوسرے سالانہ تین روزہ عالمی سیرت فیسٹیول کی افتتاحی تقریب  سے خطاب کرتے ہوئے مقررین نے کہاہے کہ،سیرت النبیؐ سے رہنمائی ہر دور میں ضروری ہے۔نوجوان نسل کو سیرتِ طیبہ سے روشناس کروانا ہماری ذمہ داری ہے۔ انسٹی ٹیوٹ آف آرٹس اینڈ ڈیزائن اسلام آباد میں منعقدہ تین روزہ سیرت فیسٹول کی افتتاحی تقریب سے خطاب کرتے ہوئے میں چیئرمین رحمت للعالمین اتھارٹی خورشید احمد ندیم،نائب چیئرمین شیعہ علماء کونسل علامہ عارف واحدی ، چیئرمین نیشنل بک فاؤنڈیشن ڈاکٹر کامران جہانگیر، چیئرپرسن پیرا ڈاکٹر سیدہ ضیاء بتول سمیت متعدد سکالرز اور عالمی شخصیات نے شرکت کی۔اس موقع پر چیئرمین رحمتہ للعالمین و خاتم النبیین اتھارٹی خورشید احمد ندیم نے خطبہ استقبالیہ دیتے ہوئے کہا کہ ختم نبوت ایمان کا بنیادی جز ہے،نبی اکرمؐ کے بعد کسی اور نبی کا سلسلہ نہیں،سیرت النبیؐ سے رہنمائی ہر دور میں ضروری ہے۔نوجوان نسل کو سیرتِ طیبہ سے روشناس کروانا ہماری ذمہ داری ہے۔انسانوں کا شکر گزار نہ ہونا اللہ کی نعمتوں کا انکار ہے۔کار خیر کرنے والے ہمیشہ یاد رکھے جاتے ہیں پاکستان کے ادارے دین و اخلاق کی خدمت کر رہے ہیں،خورشید احمد ندیم نے کہا کہ تعلیم و تربیت کے ادارے معاشرے کے لیے قیمتی سرمایہ ہیں۔ اس موقع پر اپنے خطاب میں پرائیویٹ ایجوکیشنل انسٹیٹیوشنز ریگولیٹری اتھارٹی کی چیئرپرسن ڈاکٹر سیدہ ضیا بتول نے کہا کہ موجودہ دور میں سیرت طیبہ ہماری عملی زندگی کے لیے رہنمائی ہے۔خاتم النبیین سے بڑھ کر کوئی رہنما نہیں ہوسکتا۔نیشنل رحمت اللعالمین اتھارٹی نوجوانوں کے لیے بہترین خدمات سرانجام دے رہی ہے،پروفیسر خورشید ندیم کی قیادت میں سیرتِ طیبہ کو اجاگر کرنے کیلئے اتھارٹی کی کوششیں قابل تحسین ہیں۔انہوں نے کہا کہ نبی اکرمؐ تمام جہانوں کے لیے رحمت بنا کر بھیجے گئے آپ ﷺ کی سیرت تعصب اور غیر مساوی سلوک کی اجازت نہیں دیتی۔نبی اکرمؐ نے اپنی حیاتِ مبارکہ میں مساوات اور عدل کا عملی نمونہ پیش کیا اس لیے سیرتِ رسولؐ پر عمل ہی معاشرتی ہم آہنگی کا ضامن ہے۔